بــــــــقـايـا إنــــــسـان 

إحترت كثيرا فى إختيار العنوان ولكنى لم أجد سوى هذا العنوان 

وإحترت كثيرا فيما سوف أكتبة فى هذا الموضوع فلم أتحدث عن نفسى سابقا 

فى البداية هذا تعريف بسيط عن نفسى 

الإسم : مش مهم 

السن : مش كبير ولا صغير

العنوان : فى بيتنا 

رقم الموبايل : مش حافظة 

مش فاكر إية تانى اللى بيتكتب لما حد يقدم على وظيفة ويقولولة فوت علينا كمان سنة 

بس اللى أنا فاكرة وعايز أتكلم فية أنا مين ولية وإزاى 

شخصيتى هو دة المهم 

يمكن زى ماقلت فى البداية إنى إحترت أتكلم إزاى أو أبدأ منين أو أتكلم فى إية 

بس وصلت إنى لأول مرة هتكلم عن نفسى زى مانا شايفها 

يمكن أو أكيد حد تانى غيرى شايفها مش كدة بس أنا هقول رئيى فى نفسى 

أولا كلامى زى ماقلت علشان أكيد حد شايفة مش هيبقى مظبوط ف دى هتبقى وجهة نظرة اللى أنا أكيد لازم أحترمها 

ودة جزء من شخصيتى 

مبدأيا وهتكلم فى النقطة اللى فاتت لإنها اللى خلتنى أتكلم إنهردة كلام حد وجهه ليا بإنى شخص ..................

والنقط دى حاجات كتير يمكن هو شايفنى كدة ودى وجهة نظرة أنا بحترمها 

بس ياترى وجهة النظر دى قائمة على إية 

يعنى مينفعش علشان أنا بضحك وبهزر يتقال عليا إنى شخص تافه 

لأ عادى هو دة الطبيعى على فكرة 

إية دة هو أنا بناقد نفسى 

لأ مش بناقد نفسى ولا حاجة أنا بقول لو دى شخصيتى على طول يبقى أنا كدة فعلا 

يمكن الشخص اللى أنا مش هو بئة إنتقدتة بردة مش هو اللى إنتقدنى أنا شفتة من جانب واحد فى شخصيتة 

الكلام دة مينفعش خالص 

والكلام دة هيدخلنى فى  كلام تانى مهم أنا عايز أتكلم فية فى الحب علشان كدة الموضوع دة مهم جدا 

هاخدكم شوية بعيدا عن الواقعية وهنروح للرومانسية ودى الجانب الأخر فى شخصيتى 

كنت قلت فى موضوع ليا فى مدونة عيشها بشكل التالت اللى بتتكلم عن الرمانسية إن فى فرق كبير أوى بين الحب والإعجاب 

وإن الإعجاب بداية أو المرحلة الأولية للحب 

لما نشوف جانب فى شخص ونحبة فية دة إسمه إعجاب مينفعش يبقى حب لكن لما تتكمل جوانب الشخصية اللى قدامنا 

ونعرفها بمميزاتها وعيوبها ونقبلها يبقى إنتقلنا من مرحلة الإعجاب لمرحله الحب 

نرجع تانى للواقعية ونتكلم عن الجوانب اللى لازم نشوفها فى الشخص اللى قدامنا 

أولا قبل ماننتقد شخص فى حاجة نبص لنفسنا نشوف إحنا فينا العيب دة ولا لأ 

ثانيا الشخص دة مينفعش ننتقدة فى جانب واحد يعنى زى ماقلت لو هو بيهزر طول الوقت يبقى أنا أول واحد هقول علية شخص تافه

لكن لما تلاقى الشخص دة زى باقى الناس لما بيبقى زعلان بيعيط ولما بيبقى فرحان بيدحك وبيهزر وساعات هزارة دة وهو زعلان 

بردة هناقد نفسى 

لأ دة مش تناقد دة تعبير الشخص عن نفسة فى حاجة هو شايفها إن هو بيحب يعملها لما يكون زعلان 

يعنى ممكن واحد وهو زعلان يدحك  مع إن الطبيعى إنة يعيط الشخص دة شخصيتة كدة بس فى جوانب تانية نعرفها منه وتكتمل شخصيتة بيها 

مش عارف لحد كدة كلامى مفهوم ولا لأ 

بس أنا هتكلم عن نفسى بئة شوية

أنا شخص عادى جدا شايف نفسى كبير جدا الحمد لله مش بسنى لكن بعقلى 

عديت مرحله المراهقة المتأخرة اللى هى بعد مرحلة المراهقة المتقدمة والوسطى من زمان 

عشت مرحله مراهقة زى أى حد بس عيشتها بدرى شوية مش عارف دة عيب ولا ميزة 

بحب الحياة جدا زى ماهى يعنى الحياة مش بمبى ولا حاجة بس أنا بحبها علشان دة الواقع بتاعها 

مش شيخ ولا واد سيس بس بحاول أكون إنسان صح 

بفرح لما الاقى حاجة فى حياتى تفرحنى وبزعل لما تحصل حاجة فى حياتى تزعلنى 

واقعى لكن بحب الرومانسية 

فى النهاية أنا بقايا إنسان أتألم ولكنى أتعلم 

أفرح ولكنى أعلم أن الفرح لن يدوم

أحزن ولكنى على يقين إن بعد العسر يسر 

متفائل حتى أكون قادر على مواجهة الصعاب 

قانع لأنى أدرك أن القدر سوف لا يتغير 

دموع الواقع
بكى الواقع حتى نزلت الدموع
فسألته لماذا فأجاب أريد الرجوع

فقلت له لقد أصبح شىء ممنوع
أن تعود إلى الدنيا فصرخ بصوت مسموع

حتى وصل بكائه إلى قلبى وبين الضلوع
وأحسست بحزنه وأنه موجوع

أتعلمون ماهو الواقع المخدوع
إنه الحبيب الذى يجول فى كل الربوع

يظن أنه تاجر وأن الحب مشروع
فيتاجر فى القلوب ليحصل على شهادة أو مجموع

الدنيا


سحاب يمر فى السماء
بشر يعيشون فى مشقة وعناء
وأخرون يحلمون باللقاء
الأغنياء يحلقون فى الفضاء
وتحت التراب يعيش الفقراء

الدنيا

هى الدنيا وأنا إنسان
تائه أبحث عن مكان
تركتها فطاردتنى الأحزان
حتى أصبحت لا أستطيع النسيان
وفقدت الأمل فى أن أجد الأمان

الدنيا 



بشر يرتدون القناع
وأخرون يسمون الرعاع
هى الدنيا التى إختفى كل شىء فيها وضاع
أخلاق وشرف وأمانه وصدق الكل الأن يباع
هى الدنيا التى أريد أن أقول لها وداع

ع الكورنيش

ع الكورنيش دة مش إسم الموضوع أو عنوانة 

دة يوم فى حياتى قضيتة ع الكورنيش
بس مش كورنيش القاهرة لأ كورنيش الزقازيق الدولى
المهم إنى كالعادة لما بروح الكورنيش بيبقى علشان حاجة من الإتنين
يا مخنوق يا مخنوق أو مخنوق
رحت الكورنيش وبردة كالعادة قعدت ع النيل بس المرة دى كانت مختلفة جدا
المرة دى لقيت إن فى مكان كدة ممكن أنزل منه قريب جدا من النيل
ف نزلت وقعدت قدام النيل بظبط
وكنت هقع كمان بس ربنا ستر
المهم علشان أنا مش بحب الرغى إنى لقيت نفسى أول ما قعدت
على أساس إنها كانت تايهه يعنى 

المهم 

وبصيت كدة على ........................ طبعا كله هيبص معايا ع النيل
بس أنا مبصتش بقى ع النيل
أنا بصيت للقمر ف السما
حد هيقولى ياعم مانت ممكن تشوف القمر وإنت ف بيتكم 
من غير ما تقرفنا وتروح الكورنيش وتقعد ع النيل
هقوله عندك حق بس طبعا الإحساس مختلف 
وجو النيل مع القمر والليل مع النجوم وإنت لوحدك
بتفرق كتير أوى
لما قعدت لوحدى وسرحت مع القمر وأنا قدام النيل والنجوم ف السما
تقريبا كنت عايز أعيط
لية معرفش بس فجأه لقتنى بدحك وبقول لنفسى هو أنا مينفعش أقعد ف بيتنا وأعيط
ولا هو لازم كل ما أحب أعيط أجى هنا
وبدل ما أعيط المرة دى دحكت وقلت لنفسى تانى ياترى أنا جاى هنا لية
أكيد علشان مخنوق زى كل مرة .. 
مانا عارف بس اللى مش أكيد إن السبب يكون واحد
ماهو علشان أبقى مخنوق لازم يبقى فى سبب مينفعش أبقى مخنوق لوحدى
لقيت إن المرة دى سبب إنى مخنوق أكتر من أى مرة أنا كنت مخنوق فيها
والسبب فعلا يستاهل إنى أجى المكان دة
لقيت إنى مقصر أوى ف حق نفسى وجاى عليها كتير
ودة كله علشان إية مش عارف
أو عارف بس بستهبل
فكرت إنى مستهبلش قبل ما أروح معرفتش
بس لما رحت وقعدت ع الكورنيش فكرت إنى لازم تبقى نفسى هى أنا
وأنا جزء من شخصية نفسى
طبعا محدش فاهم حاجة من الرغى دة كله
بس ببساطه جدا كل واحد فينا ومش أنا لوحدى بعيد عن نفسة ومبيحاولش يقرب منها
أنا إمبارح إعتبرت نفسى واحد صاحبى وقعدت أكلمها حد هيقول إنى مجنون ماهو مبيعملش كدة غير المجنون
هقوله لأ مبيعملش كدة غير العاقل اللى عايز يعيش حياته صح
فكرت ف حاجات كتير أنا ونفسى وحاسبتها على حااجات كتير
أنا اللى مقصر فيها مش هى
وإكتشفت إن نفسى هى أنا وبردة مكنتش مجنون
مش مهم مين اللى طلع غلطان لإن أنا أكيد اللى طلعت غلطان 
المهم إنى إعترفت بغلطى وقررت إنى أتعلم منه
أهم حاجة فكرت فيها مع نفسى إنى أخد قرار إنى مجيش الكورنيش تانى
بس للأسف معرفتش أخد القرار لإنى أخدت قرار تانى 
إنى هروح الكورنيش أنا ونفسى علشان نتفسح هناك

ياترى حد جاى معايا ولا محتاجين تروحوا مرة قبل الفسحة 




حاول تصالح نفسك

حاول تكون مرتاح

دور على نفسك جواها

وياريت تعيش معاها

وتتعلم من اللى راح 



حاول مجرد محاوله إنك تفكر وتاخد قرار

مش مهم تغلط أو يكون فى سوء إختيار

بس المهم تتعلم من الغلط ومتختارش الهروب من الواقع أو الفرار

دمــــــــــوع

دائما وحين أشعر بأى إحساس يجتاحنى أريد أن أعبر عنه ولكنى دائما ما أحاول أن أخبىء دموعى أو همومى بداخلى

ولكنى لا أعرف ما الشىء الذى دفعنى لأن أمسك بقلمى لأعبر عن إحساسى الأن

ربما هى الدموع التى أرادت أن لا تنسكب على الأرض فأكتب بها وربما هو اليأس الذى يجتاحنى وربما هى حالة من الخوف

ربما ولأول مرة أشعر بهذا الإحساس الغريب

الأن وأنا أكتب تمر أمامى أيام فى حياتى لم أكن لأتذكرها إلا وأنا أبكى

تمر أمامى بعض المواقف التى من المفترض أن تضحكنى ولكن

أتذكر الأن ما كنت أكتبة حين أكون فى قمة السعادة ولكن

أحاول أن أقنع نفسى بالحقيقة وهى أننى أعيش فى الحياة ولست أعيش فى عالم آخر بعيدا عن البشر

فالواقع يفرض نفسة ليقول تذكر وأنت سعيدا أنه سيأتى الوقت الذى تبكى فية وتذكر وأنت تبكى أن الدموع ستجف وأن الحياة سوف تستمر

ولـكـن

ربما لا يستطيع قلمى أن يعبر عما بداخلى وربما كانت الدموع غير قادرة على أن تريحنى ولكن

مازلت أتنفس وينبض قلبى وتنسكب دموعى

وتبقى الدموع هى المحطة الوحيدة التى يقف فيها قطار حياتى 

تبقى الدموع والأهات هى الذكرى التى أتذكرها دائما حين أكون وحيدا 

الدموع التى تنزرف من عينى لا تدل على ضعفى وإنما تعبر عن شعور بداخلى 

ربما يكون هو الواقع الذى لا أريدة وربما يكون هو القطار الذى سبق وتعطل فى الرحله الماضية

هو نفس القطار الذى صعدت إلية 

ربما تكون حياتى أصبحت مليئة بالأحزان وربما أصبح الشعور يسيطر على كيانى 
 
ربما هى تلك الكلمات السابقة التى إنزرفت من عيناى لتكتب على أوراقى وربما تكون كلمات أخرى ودموع أخرى 
 
لا أعلم أو ربما لا أعلم ما الذى أفعله كى أستطيع الوصول إلى محطة السعادة 
 
أهو القطار أم هى الحياة 
 
أى منهما لا يريدنى أن أصل 
 
ربما لا أحد ولكنى فى النهاية غير قادر على الوصول

سؤال يطرح نفسة فى كل موضوع لأبدأ فى الكتابة
إلى متى سننتظر النهاية قبل البداية ؟؟
دائما وحين أسمع أحد الأفلام ولست أنا فقط بل الكل ينتظر النهاية قبل البداية أو ربما بعدها لا أعلم

النهايه

فكرت كثيرا وبحثت كثيرا وفى النهايه لم أصل إلى النهايه
سألت نفسى بعض الأسئلة
لماذا أبحث عن الشمس فى ظلام الليل
ولماذا أنتظر أن يضىء القمر النهار

تناقد غريب فى أوراقى
ربما يأتى التناقد من البحث عن الشىء الموجود داخل الشىء المفقود
وربما يأتى نتيجة لعدم البحث عن الشىء المفقود نفسة

لا أعلم ولكن

ربما تكون هى النهاية المتوقعة وربما تكون غير ذلك


أرانى أنظر الأن إلى البحر لأرى نهايتة
هل سينتهى ؟
أو أرانى أنظر إلى السماء
هل أستطيع الوصول إليها ؟؟



ربما يكون البحث عن النهاية هو بداية الطريق للبحث عن الذات
أحاول أن أصل إلى نهاية كل شىء فى حياتى
أرهقنى التفكير فى أن أحدد ما الذى أريد الوصول إلى نهايتة
وأرهقنى البحث فى الوصول إلى نهاية ما أردت أن أصل إلى نهايتة


فقط أردت أن أصل إلى النهاية ولكن فى النهاية قررت أن أنتظر ليقرر القدر
ولكنى الأن أتخيل نفسى وحيدا فى الظلام فى الشتاء فى الليل تحت المطر

مسميات ولكن

أب وأم وأخ وأخت وصديق وحبيب

مسميات غير متعارف عليها بالمعنى الحقيقى فى هذا الزمن أو قلما تجدها
ربما يكون لك أب يفضل تقديم مصلحتة على مصلحتك أو لا يعرف عنك شىء
هل هذا ينتمى لك بشىء ..
هل معنى أن يكون إسمة بجانب إسمك فى بطاقتك الشخضية أن يكون أبوك
ربما تكون لديكى أم تخلت عنكى فى أصعب المواقف ..
ربما لم تعرف إلى أين أنتى ذاهبة ومن أين أنتى قادمة
ربما لم يكون هذا الأب أو هذة الأم قدوة فى الحياة
ربما يكون لك أخ ولكن عندما تحتاج إلية لا تجد منة غير الهروب
ربما تجد لك أخت أنت لا تعرف عنها شىء غير القليل أو ربما لم تعرف عنها شىء

ربما ربطنا مسميات الظروف بواقع الهروب

الـصـداقـة

هل لديك صديق ؟ الإجابة / نعم
هل يعرف معنى الصداقة الحقيقية / الإجابة أنا لا أعرف

إذن هو ليس بصديقك وأنت أيضا ليس بصديقة

هل قررت يوما إختبار صديقك فى أحد المواقف ثم تخلى عنك فكان رد فعلك ربما يكون لدية ظروف
ثم جاء الموقف التالى ليطلب منك هو الأخر شىء
فبررت لنفسك عدم الوقوف بجانبة ربما لظروف أيضا أنت نفسك لم تعرفها

الحبيب

هل طلب منك حبيبك يوما أن يعرف لماذا تخليت عنة بسهولة
ثم كانت إجابتك لظروف خارجة عن إرداتى

هل فكرت يوما أن تفارق حبيبك ثم تراجعت عن هذة الفكرة

هل طلب منك حبيبك يوما الوقوف بجانبة فى حياتة ثم قلت وأنا من يقف بجانبى

مسميات ولكن

ربما يكون لديك أب وأم وأخ وأخت وصديق وحبيب ولكن
ربما لم يكونوا كذلك بالمعنى ولكن مازال لهم فى قلوبنا أماكن
ربما قررت الرحيل أكثر من مرة وقلت سأرحل ولكن
ربما أبحث عن الأمان ربما أريد أن يتراجع الزمان
ربما أكون بشر ولكن هل مازلت إنس

كلام فاضى معقول

والكل شايل محمول

وبيشرب حشيش ومسطول

واللى عايش حياتة مذلول

علشان فى بيتة دلدول

ومقضيها بالعرض والطول

ومبقناش بنعمل بالأصول

والكل فاضى وعاملة نفسة مشغول

وبناكل زبادى ونسينا طبق الفول

وبعدنا عن الدين وبنقول فين الحلول

الكلام دة بتاعى ومش منقول

حبيت الحياة

حبيت الحياة وإكتشفت إن حبى كتير عليها والخيانة لقيتها طبع فيها
ولقتنى تاية علشان علقت نفسى بيها

حبيت الحياة

حبيت الحياة ومشيت فى طريق مســــدود ولـقـتـنى فــية غريـق

حبيت الحياة

حبيت الحياة وكل الناس
ولقيت مبقاش فى إحساس والطيب فيها واللى بيقول الحقيقة بينداس

حبيت الحياة

حبيت الحياة وفكرت فى نفسى دقيقة
لقتنى بقول لنفسى فين الحقيقة هو العيب فيها ولا إحنا اللى غيرنا الطريقة

حبيت الحياة

حبيت الحياة وفكرت فيها لقيت العيب فينا مش عليها

لـسـه عايـــــش

بطلت أفــكر تـفكير طايـش
بطلت أكتب على الهوامش
أيــــوة أنا لــــسه عايـــش

بطلت أحـب بقلـبين
بطلت أشوف نفسى إتنين
أيوة أنا لسه عايش من سنين

بطلت أقول الدنيا زفت
بطلت أشوفها من فوق ل تحت
أيوة أنا عــايش ولــسه وقت

صـباح الـفـل

قررت أدخل على بص وطل 

فـتحت الســايت لقـيت الـكل 


قاعد يشيت وفاكر إن دة الحل 
خرجت من السايت وقفلت الباب ورايا 


وجـريت بـــسرعـة ومــسكت الكوباية 
وشـــربت مـية عـلـشان أـنسى الحكاية 

التشييت دلــوقتى بئة إدمــان مش هواية 

وكل واحد بيقول بشيت علشان أنسى اللى جوايا 

مع إنة لو فكر صح وبص فى المرايا 

والـبـنـات بـطـلـت تـبـقـى رغـــاية 

هيلاقوا الدنيا حلوة وأحلى مافيها إنك تبقى عارف النهاية

صباح التهييس

أنا لسة صاحى من الكوابيس

 
ولو كتبت اللى شفتة محتاج كراريس 

 
مش لاقى عروسة بجد بتحب عريس 

 
أو موجودة بس فى الكواليس 

 
أو فى مسلسل أبناء ونيس 

وسمعت قرار من الرئيس 

بيقول بأعلى صوتة بضم صوتى للجواسيس 

وصاحبى بيقولى تاخد شوية حب فى كيس 

قررت أعيش من غير أحاسيس 

 
وأمسك لسانى وأدبسة بالدبابيس

مـــخـــنـــوق إدخــل هتـلاقـى الحــل

إمبارح حصلت حاجة غريبة جدا مش فاهم إزاى
كل ما أكلم حد يقولى مخنوق مكتئب
مش عارف إية لحد ما إتخنقت والدنيا كلها بقت خنقة
خلاص ياعم خنقتنا هههههههه

المهم ندخل فى الموضوع على طول

هيا الحياة كدة لية بقت كلها خنقة والناس كلها مخنوقة ومكتئبة
كل ما أسأل حد يقولى مش عارف لية
هو دة بئة اللى بيقولوا علية من غير لية ولا إية
بس أنا عارف بئة إنت مخنوق لية !!
أنا مخنوق وإنت مخنوق علشان بطلنا نفكر
إزاى يعنى ياعم

يعنى الأسباب الغير مقنعة بتاعت كل واحد مخنوق هيا

1- مـفـيـش جديد
2- الأيام كلها زى بعضها
3- بيعمل حاجات غلط وأخيرا إكتشف دة بس كان نفسة ما يعرفش إنها غلط

أولا :

مفيش جديد

إزاى مع إن كل يوم فى جديد بينزل السوق
بس إحنا مبقناش عايزين نروح السوق عايزين السوق هو اللى يجيلنا لحد عندنا ديلفرى يعنى
هنهزر ياعم إنت ولا إية
أنا بتكلم بجد على فكرة مش بهزر
المشكلة ياجماعة إن إحنا خلاص
شايفين إن إحنا لازم نصحى من النوم الصبح وننام بالليل
دة الطبيعى ولو عملنا حاجة غير كدة يبقى بنعمل حاجة غلط
بطلنا نفكر كل واحد بيقول للتانى فكر ليا معاك
وكمان الناس مش عندها وقت تعمل جديد لإنهم إتعودوا على القديم
يعنى إنت أصلا مش عارف إنت عايز إية مش قادر تحدد هدفك من الحياة
عايش وخلاص لو دورت أكيد هتلاقى حاجة جديدة تعملها لو مش لقيت إبقى قولى

ثانيا :

الأيام كلها زى بعضها لإن دة الطبيعى يعنى اليوم عندنا فى بلدنا 24 ساعة
يعنى عمرى ماصحيت لقيتة 29 ساعة ولا 15 ساعة
وعلى فكرة إحنا كمان بنصلى الجمعة يوم الجمعة
عمرى ماصليتها يوم الأربعاء بعد العصر
المشكلة مش فى الأيام ... المشكلة فينا إحنا

ثالثا :

مش مهم إنك تغلط المهم إنك مش تتمادى فى الخطأ
أو مش مهم إنك تغلط المهم إنك تتعلم من الغلط دة
أخيرا عرفت إنى بعمل حاجة غلط بس كان نفسى ما أعرفش
أصلى بحب الحاجة دى موووت
ياعم ماهى الحاجة دى غلط

بس ....... مش عارف لية حاسس إن هيا مش غلط

هيا دى المشكلة ياجماعة محدش عايز يفكر محدش عايز يعمل جديد محدش عايز يعترف بغلطة

على فكرة لو فكرت صح سدقنى عمرك ماهتبقى مخنوق أو مكتئب

ليك فى النت ؟؟

ــــــــــ،،،،،،ـــــــــــــــــ،،،،،ـــــــــــــــ

حــــــــــــــــــــــــوار جـــــــــامـــد جـــــداااااااااااااااااا

ليك فى النت

طبعا ياعم دة أنا نتيت قديم على وش عميد يعنى

ليك فى النت
يابنى بقولك نتيت قديم أنا طول النهار ب ( نت )
لدرجة إن أمى كل شوية تقولى بطل ( نت )

ليك فى النت

أنا والبت طول النهار قاعدين ع النت

ليك فى النت

بدخل شات وبكلم بنات ومظبط الدنيا وحوارات موووت ياعم إجرى

ليك فى النت

طبعا هيا الحياة تبقى حلوة من غير نت وداونلود
دة أنا مظبط الدنيا داونلود أغانى وأفلام وإية مش ملاحق أنزل إية ولا إية

ليك فى النت

النت دة النت دة حبيبى خلاص من يوم ماوصلتة بقيت أنا وهو وكل حاجة متظبطة
ماتيجى ياعم وأنا أظبطك سيبك من الدش بئة والكلام الفاضى دة هنا كل حاجة بالألوان

ليك فى النت

بدخل منتديات ومشترك فيها وخلاص بقيت مشرف أهو
وشوية وهبقى مدير سيبك إنت الحياة زى الفل

ليك فى النت

أنا والنت صحاب أوى دة أنا حتى مبقاش عندى صحاب غيرة
أصلى مش فاضى للعيال أصحابى نفض ياعم

لسة الحوار مش خلص طبعا بس أنا بقول كفاية لحد هنا

نت إية اللى إنت جاى بتقول علية إنت عارف قبله معنى النت إية

أنا والنت صحاب جدعان أقولة هات يقولى خد
أقولة ياعم خلاص كفاية يقولى إستنى أكملك الحكاية

بس المشكلة إن مش بيبقى معايا حاجة أخد فيها

هنهزر ولا إية

بس بس بس كفاية هزار شوية ونبتدى نهرج

الموضوع ياجماعة ببساطة زى مانتوا شايفين الناس مبقاش وراها غير النت

ندخل ع تكملة الحوار
 
واحد من الناس : طيب هو النت دة مفيد علشان الناس تهتم بية كدة
وتقعد علية طول الليل والنهار
واحد من الناس تانى خالص : أكيد طبعا هو مفيد وإلا مكنش يبقى موجود فى كل حاجة
يعنى كل المصالح الحكومية شغالة دلوقتى بالكمبيوتر والنت
وأى حاجة بقت شغالة بالكمبيوتر
دلوقتى تروح تعمل البسكويت
حتى البسكويت والعيش
يقولك ياعم روح للفرن دة أصلة شغال بالكمبيوتر


طيب ياترى إنت فكرت مين صاحب فكرة إن الفرن دة بقى يشتغل بالكمبيوتر
واحد من الناس : ياعم وإحنا مالنا المهم إنة شغال
واحد من الناس تانى خالص : ياعم إستنى بس ماهو المشكلة فى كدة
يعنى الراجل اللى فكر يعمل كدة كان زيك
كدة قاعد ع الكمبيوتر والنت طول النهار
بس المشكلة إنة مكنش بيعمل زيك

واحد من الناس : يعنى إية ؟؟؟؟؟

واحد من الناس تانى خالص : يعنى الراجل دة أكيد كان بيعمل عكس اللى إنت بتعملة
واحد من الناس : ياراجل ........... كدة أنا فهمت ........... بقولك يعنى إية ؟؟؟؟

واحد من الناس تانى خالص : يعنى الراجل دة كان بيدخل منتديات زى مانت بتدخل ويشترك فيها
واحد من الناس : طيب ياعم ما الراجل بيعمل زى مانا بعمل أهو طيب لية بتقولى إنة
بيعمل عكسى
واحد من الناس تانى خالص : إسمع بس كلامى للأخـر
بص ياعم الراجل دة كان بـيـدخـل منتديات ويشترك فيها
بس لما كان بيعمل كدة كان عارف هو عايز إية من المنتديات دى

واحد من الناس : يقاطع واحد من الناس تانى خالص فى حدة زى ماتعلم من النت بعيدا عن كل حاجة
ياعم هيكون عايز إية عايز يبقى مشرف ولا أخرة عايز يبقى مدير المنتدى ودة كلة
علشان يتفشخر والعملية كلها بقت فشخرة ومنظرة
وبطل بئة علشان بدأت أتخنق وصبح صبح ياعم الحج

واحد من الناس تانى خالص : مستغرب من كلام واحد من الناس ومش فاهم الكلمتين اللى فى الأخر
وقاله بص ياعم لو هو عايز يبقى كدة مكنش فكر إنة يشغل الفرن بالكمبيوتر
الراجل دة كان عارف هو عايز إية زى ماقلتلك قبل كدة
بيدخل يشارك أه بس مش علشان الفشخرة والمنظرة ومشرف ومدير
الرجل دة كان بـيـدخـل يستفاد من كل موضوع كتبة أى عضو
يعنى بيقرأ الموضوع كويس ويعرف إية اللى فية وإية الهدف اللى ورا الموضوع وكل
كلمة كتبها أو كل موضوع قرأة كان علشان يفيد ويستفيد


بعيدا عن كل الحوارات واحد من الناس قرر إنة يعمل زى واحد من الناس تانى خالص ويفيد ويستفيد

فــى الــنهـاية

فى حاجات كتير زى ماليها سلبيات ليها إيجابيات
ومش عارف لية بيتقال العكس هما تقريبا بيقولوا
زى ماليها إيجابيات ليها سلبيات

ماعلينا

طبعا ياجماعة الفكرة اللى أنا عايز أقولها والموضوع وكل الحوارات دى
كانت تمهيد لإننا نعرف سلبيات وإيجابيات النت على حياتنا لإنى شايف إن العملية بقت

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بظبط كدة

علامات إستفهام بس نصها سلبيات والنص التانى إيجابيات
مبقولش إن كلها سلبيات ولا كلها إيجابيات

وعلشان أنا شايف إن إحنا ممكن نخلى علامات الإستفهام دى كلها زى بعض

يعنى كلها إيجابيات طبعا

أنا مش هذكر السلبيات وكمان مش هتكلم عن الإيجابيات

بس هسيبكم إنتوا اللى تفكروا

علشان لازم تفكروا

وبطلوا تبقوا ؟؟؟؟؟؟؟؟؟؟؟ وخليكوا ؟؟؟؟؟؟؟؟؟؟

كدة تمام أوى أصلى لسة صاحى من النوم ومهيس شوية

قلت نهيس مع بعض يمكن نظبط المسألة والعملية تبقى فى التمام

لقيت حـل

ـــــــ،،،،،،،،،،،ــــــــ

أخيراااااااااااااااااااااااااااا يا جماااااااااعة لــقـيـت حــــــل

لـقـيـت حـــل لإية ؟؟؟؟؟

آه إفــتـكـــرت

أصــلى كنت مشغول مع واحد رخم مش عايز أكلمة

ثوانى هعمل أوفلين
وطبعا هقوله إنى هخرج

نسيت أعمل أوفلين ومش عايز أكلم حد

كل الناس دلوقتى بتدخل على الميل وتعمل أوفلين وفاكرين إن خلاص كدة مفيش مشاكل بالنسبة ليهم

هكلم اللى أنا عايزة وبس مانا عملت أوفلين ؟؟؟

غبى ؟؟؟؟ إية يا عم غبى لية ؟؟؟

أنا بتكلم عن نفسى علشان محدش يزعل

مين محدش دة
المهم

ماهو ممكن يكون عندة برنامج بيكشف الأوفلين وعلى فكرة البرنامج دة عندى لو حد عايزة

بس مش هو دة اللى أنا بحكى فية الأونلين والأوفلين

اللى أنا بحكى فية لية إحنا نكلم حد إحنا مش عايزين نكلمة أو نضيفة على الميل
أصلا مش قصدى على الميل وبس
قصدى لما تقابل حد فى الشارع إنت مش عايز تكلمة

حتى لو كان صاحبك لية تكلمة

ممكن تقولة ببساطة أنا مش عايز أكلمك علشان كذا وكذا وكذا
مش تقوله

حبيبى والله مش كنت واخد بالى اللى إنت دخلت على الميل

حبيبى والله مش كنت شايفك فى الشارع كنت ببص الناحية التانية

وهكذا تستمر الحياة
بس هو دة اللى أنا بقول فية يعنى بلاش نحب الناس بالعافية علشان مفيش حد له عند التانى حاجة


لو هتكلمة يبقى تكلمة مش هتكلمة علشان سبب يبقى نقول السبب الحقيقى اللى هو

إنت مشغول يبقى مشغول

المهم محدش له عندنا حاجة فى الآخر

لو كلامى غلط ياريت حد يعرفنى

علشان أنا إتخنقت من الناس الكدابة

والمشكله إن إحنا بنبقى عارفين إنة بيبقى كداب وعادى جدا

خلاص يا حبيبى ولا يهمك

أنا عارف إنك كنت مشغول ومش أخدت بالك

دة اللى بيحصل صح

قـــطــار الــحـيــــــــــــــــــاة 


هــــل مــازلـت تــتـجــول بـــة وتـــسيــــر
أم أصــــبـحــت بـــــــداخــــلـــة أســـيـــر
وهــل تـــعــبــت يــومــا مـــن الـتـفكــيــر
أم أنـك تحلم بـعـد الـصوف بـلبـس الحـريـر


قـــطــار الــحـيــــــــــــــــــاة

إلــى أيـــــــن ســيـــــــــأخـــذنا ولــــمـــاذا
ومــتـى ســـيـعــطــيــنا مــن العذاب أجـازة
وهـــــل ســــعـــيـطـيــنا لألـــغـازة إجــابــة
أم سيتركنا نتجول كالـماء داخــل الـزجـاجة

قـــطــار الــحـيــــــــــــــــــاة

يــتـجـول بــنـا فــى الدنيا ويدور
تـمـر عـلـيـنا بــيـوت وقــصــور
ونرى بأعيننا شواطىء الـبـحـور
لينتهى بنا ويقف فى بيت مهجور

قـــطــار الــحـيــــــــــــــــــاة

إنفلونزا قلة الأدب


ـــــــــــ،،،،،،،،،،،ــــــــــــ

إزيكم ياشباب ويابنات ويارجالة وياعيال

المهم ندخل فى الموضوع على طول علشان أنا مش بحب الرغى زى مانتوا عارفين

فى الآونة الأخيرة إنتشرت العديد من الأمراض التى تسمى بالإنفلونزا

حلوة فى الآونة دى

ماعلينا

زى إنفلونزا الطيور وإنفلونزا الخنازير وبعد ماتخلص دى هيقولك إنفلونزا ؟؟؟؟؟؟؟

والحمد لله الحاجات دى لها علاج ممكن يكون فى مستشفى أو عند دكتور

لكن النوع اللى بتكلم عنة علاجة مش عند حد غير (نفسك ) إسألها وهيا تقولك

الموضوع إسمة إنفلونزا قلة الأدب

منتشرة من زمان أوى وإحنا واخدين بالنا منها بس مطنشين
هتقولى إزاى ؟؟؟
إنزل الشارع وإنت تعرف
دة لو مكنتش بتنزل يعنى

هتلاقى إية فى الشارع
كل خير طبعا
أه هتلاقى كل خير فعلا ومش بهزر

هتلاقى راجل كبير جدا ماشى فى الشارع لو سألتة رايح فين ؟؟؟
هيقولك رايح المسجد أصلى

وهتلاقى عيل صغير بيمد إيدة فى جيبة ويطلع فلوس علشان يديها لواحد غلبان قاعد فى الشارع

وهتلاقى وهتلاقى وهتلاقى

طبعا مش دول اللى عندهم المرض دول النقيض بتاع الناس اللى عندها المرض واللى أنا خايف عليهم من العدوى

نيجى بئة للناس اللى عندها المرض

هتلاقى راجل كبير ماشى فى الشارع بيعاكس بنت قد بنتة
آه بيحصل
ولو سألتة بتعمل إية ؟؟؟؟ هيقولك بعاكس أو وإنت مالك

وهتلاقى عيل صغير بيمد إيدة فى جيبة ويطلع علبة السجاير ويبدأ يعزم على أصحابة وعادى جدا

دة بالنسبة للرجالة والعيال

نيجى بئة للشباب

الحمد لله فى شباب ملتزم فى البلد كتير بيصلى وبيصوم وبيعمل خير ومحترم وكويس وحاجات كتير

وزى مافى ناس كويسة فى ناس متيسة ومهيسة ودول اللى منتشرين الأيام دى وبكثرة

تلاقى الشاب السيكى ميكى طول النهار بيروح ويجى ويلف فى الشارع ويقول للبت فين الاقيكى

آسف على التعبير بس أنا حبيت أكلم الشباب باللغة اللى بقت منتشرة بينهم
ومش عارف لية بقت منتشرة


وتلاقى كل واحد دلوقتى عربيتة فى أيدة
الميدالية يعنى اللى فيها المفتاح
سجايرة وحشيشة فى جيبة بردة وصبح صبح ياعم الحج
إية اللى بيحصل دة إية اللى أنا شايفة دة

لا أنا مش هغنى
أنا بسأل سؤال ؟؟

الإنفلونزا دى بقت منتشرة أوى كدة لية ؟؟
أنا متكلمتش عن حاجة فى أى حاجة ولا قلت غير مثال أو إتنين
والباقى مصايب كلنا عارفينها وشايفينها
بس للأسف مطنشينها

وبردة مش عارف لية ؟؟؟؟؟

دور فى نفسك جوة نفسك وأسألها عن السبب هتقولك ؟؟؟

فى النهاية
ياريت أكون قدرت أوصل الفكرة
وياريت كلنا نرد على أى حاجة قدامها علامة إستفهام
لإن دة أكيد سؤال

إنـت عايــش لــيه ؟؟؟


ــــــــــــــــــــــــــــــــــــــ،،،،،،،،،ـ،،،،،،ـــــــــــــــــــــــــ

عمرك سألت نفسك إنـت عايــش لــية ؟؟؟

بتصحى من النوم الصبح علشان تنام بالليل
عمرك صحيت من النوم وقلت أنا هعمل إنهردة كذا وكذا وكذا علشان كذا وكذا وكذا

ولا هو كذا وخلاص

بتصحى من النوم تاخد المصروف وتروح الجامعة
تعاكسلك بنتين وتجيبلك سندوتشين ويمكن ربنا يهديك و تحضر محاضرتين

عمرك حاسبت نفسك آخر اليوم وقـلت أنا عملت إية صح إنهردة وعملت إية غلط ؟؟

عمرك كان ليك هدف محدد فى الحياة عايز توصلة
طيب عايش من غير هدف إزاى أو عايش لية هو دة سؤالى ؟؟؟

هتقولى إزاى ياعم أنا عايش علشان حاجات كتير
هقولك زى إية هتقولى حاجات كتير ياعم

يا عم معلش قولى بس زى إية ؟؟؟

هتقولى بذاكر علشان أخلص الجامعة وأتجوز وأخلف ويبقى عندى عيال
وأدخل عليهم بالبطيخة والجرنال وكيس اللحمة


ياااااااا دة إنت بتتعب موووووووووووووووووت

طيب وبعد دة كلة عملت إية ؟؟؟؟؟
هتقولى خلاص أنا عايز إية بعد كدة
وبعد كدة هتموت ويبقى عملت اللى عليك صح

لكن سبت بصمة فى الحياة ؟؟؟؟؟

هتقولى آه أنا سبت البصمات بتاعتى فى المركز وأنا بقدم ورق الجيش
لا لا لا وفى يوم تانى كنت بتخانق ودخلت المركز وأخدة بصماتى

يابنى مش قصدى

أنا قصدى إنت عملت إية للبلد دى أو عملت إية لنفسك قبل ماتموت
يعنى إنت فين من طه حسين أو أحمد زويل
أو زكى جمعة
مين زكى جمعة دة

أعتقد إنت فهمت قصدى إية

ياريت تحدد هدفك من دلوقتى وتعرف إنت عايز إية بظبط ؟؟؟؟؟

وتبدأ سنة جديدة مليانة أهداف مش كلها سندوتشات

الـمـــرايـــة كــدابــه


طول الوقت شغال تتريق على دة وتعايب على دة ومش عاجبك حال دة
ولا عاجبك حال البلد كلها على بعضها مع إن إنت واحد من الناس دى

بلاش إنت ياعم

أنا واحد من الناس دى
بس إنت شايف إنك دايما صح

لكن عمرك بصيت فى المراية
ومش قصدى المراية اللى انت بتبص فيها طول الوقت
أنا قصدى مراية تانية خالص
المراية اللى إنت بتبص فيها دى كدابة
كل اللى إنت شايفة فيها مش حقيقى
الحقيقة حاجة تانية خالص

علشان كلنا نبقى صح
لازم كل واحد يبدأ بنفسة الأول
علشان البلد دى تبقى صح لازم كلنا نبقى صح

حاول إنك تبص فى المراية ................ وأظن عرفت أنا قصدى إية بالمراية
شوف إنت مش عاجبك إية ..... وصلحة فى نفسك الأولصدقنى لو عملت كدة هتبقى إنسان تانى

  إحسبها صح تعيشها صح

&

هههههههههههههههههه بس بس هموت من الضحك

مش دة الإعلان بتاع مش عارف عبد السلام وفر فى الكهرباء وجاب لإبنة كمبيوتر
ومش عارف فوزية وفرت فى المصروف وجابت لبنتها مش عارف إية

إية ياعم بتضحك على إية

أنا مش شايف حاجة بتضحك يعنى
إزاى ياعم إنت ماشفتش الإعلان

لا ياعم شفتة ماله

مش شفت عامل إزاى
هو دة اللى بيضحك ياعم
طيب فكرت فى الإعلان كويس ؟؟
فكرت فى إية يعنى ؟؟؟؟

بصراحة ياجماعة الموضوع دة مش من تأليفى لإن الفكرة مش بتاعتى
قصدى فكرة الإعلان
لكن الموضوع بتاعى

بس اللى فكر فى الموضوع دة إنسان أكيد بيحسبها صح أوى
يعنى عارف هو عايش لية أو عايز إية

إزاى يعنى ؟؟ أنا أقولكم ؟؟
أنا تقريبا مش شفت الإعلان دة غير مرتين أو تلاتة

ومش فاكر هو كان إزاى بس فكرة الإعلان عجبتنى أوى ؟

ومش هقولكم إنى مش ضحكت علية فى الأول
لأ أنا ضحكت .... بس لما فكرت صح

لقيت إن الراجل دة بيقول حاجة وإن الإعلان دة مش مجرد إعلان بيضحك وخلاص

الفكرة مش بس إن إحنا نوفر
أو إن إحنا نوفر الفلوس بمعنى الفلوس

الفكرة إن إحنا نحسب كل حاجة فى حياتنا صح

بالورقة والقلم زى مابيقولوا

ياعم وإحنا لسة هنقعد نحسب ؟؟
إستنى بس ماهو إنت ساعات بتحسبها من غير ماتقصد
يعنى أقرب مثال ........

زمان كانت الستات بيخلفوا بالعشرومية واحد ؟؟
 دلوقتى الست بالكتير أوى واحد أو إتنين

معلش هو دة المثال اللى جة فى دماغى دلوقتى
وحاجات كتير بنحسبها من غير مانقعد نحسب لها

بس ساعات كتير بردة مابنفكرش فى نهاية الحاجة اللى بنعملها وبنكسل نحسبها
وأكيد النهاية بتبقى مش كويسة

يعنى الأخ عبد السلام لما وفر مثلا مصروف السجاير اللى كان بيشربها جاب لإبنة كمبيوتر

هو تقريبا الإعلان مش كدة بس مش مهم

المهم إن الفكرة إن فى حاجات مش بتبقى ليها لزمة
وممكن نستغنى عنها علشان حاجات ليها لزمة

أو إن فى أولويات
يعنى الأهم وبعدين المهم

مش بس كدة كمان مش لازم نقلل من قيمة الحاجة اللى عملناها

يعنى أول المليون أكيد كان جنية مش بتكلم عن الفلوس وبس
كل حاجة فى حياتنا لازم تبقى كدة

لازم نحسب كل خطوة بنخطيها
لازم تبقى لكل بداية نهاية
لازم تبقى حياتنا بالورقة والقلم


ومش هو دة كريستال اللى بيقولوا علية لازم لازم

فكر فى حياتك
فكر فى مستقبلك
فكر إنك تفكر
مش تكسل حتى إنك تفكر

ياريت كلنا نبقى عبد السلام

ياريت نبطل نضحك على الإعلان ونفكر نحسبها صح علشان نعيش صح

من 3 أيام تقريبا اللى هو بالظبط تالت يوم العيد

الناس كلها طبعا فرحانة وعيد بئة وكدة

وأنا كنت مخنوووووووووق جدا

المهم إنى كنت فى البيت قلت أعمل إية أعمل إية

المهم بعد تفكير لمدة 5 دقايق قررت إنى أنزل أتمشى ع النيل

وطبعا علشان النيل مش تحت البلكونة بتاعتنا ولا فى بلدنا أصلا

نزلت ركبت الميكروباص

نص ساعة كدة وكنت ع النيل

قلت أتمشى شوية

وبعدين قلت لأ أنا هقعد دة بعد ماكنت إتمشيت أصلا

المهم طبعا إن دة كان تالت يوم العيد وطبعا مش لاقى مكان أقعد فية

كل واحد مع حد اللى قاعد مع قرايبة ودة كان بسيط

لكن المعظم إن كل واحد قاعد مع حبيبتة

المهم إنى فضلت رايح جاى أدور على مكان أقعد فية

لحد بعد ساعة كدة لقيت مكان تقريبا حد أنا صعبت علية وقام علشان أنا أقعد

المهم إنى قعدت وبعد ما قعدت قلت هو أنا نازل من بيتنا علشان أقعد هنا مانا كنت قاعد فى بيتنا

بس هناك فرق طبعا التانى بيتنا ودة النيل

المهم قعدت بئة وقعدت أفكر أنا مخنوق لية

طيب هو فية حاجة تستاهل إنى أبقى مخنوق أوى كدة ؟؟؟؟

شوية وكنت هعيط دة لومكنتش عيط يعنى هههههههههه

المهم إن مينفعش أكون بقول للناس حاجة ومش بعمل بيها

فكرت كدة فى كل توبيكاتى اللى كتبتها

لقيت إن كان فى موضوع إسمة مخنوق إدخل هتلاقى الحل

دة المفروض يعنى إن أنا اللى كاتبة وإن معظم الناس لما شافتة قالت إن كلامى صح

بس أنا لقيت إن فى جديد فى موضوع إن الواحد يبقى مخنوق دة

أنا بكرة كل الناس وبكرة كل حاجة وكرهت الدنيا واللى فيها

ومفيش حاجة حلوة وكل الناس بتكدب وكل الناس بتدحك على بعض وكل الناس .......................

حاجات كتير أوى كل الناس بتقولها

واخدين بالكم من كل الناس دى

تعالوا نفكر شوية بالعقل زى مانا فكرت

الحياة فيها ألوان كتير ... أهم لونين فيها الأبيض والإسود

و فيها ناس كتير منهم الحلو وفيهم الوحش

بننجرح كتير وبنشوف حاجات وحشة كتير وبيحصلنا مواقف صعبة

بنوصل لدرجة إننا بنتمنى الموت فى الوقت دة

بس دة الطبيعى بتاع الحياة مش معقول الدنيا هتدحك لك على طول

أكيد لازم تدحك ليك شوية ولغيرك شوية

أه ماهو إنت مش عايش لوحدك فيها

بس فى سؤال مهم أوى سألتة لنفسى

إحنا لية بنقول إن كل الناس شخص واحد وإن كل حاجة وحشة حاجة واحدة ؟؟؟

يعنى البنت اللى كرهت الولاد علشان فى حد جرحها أو دايقها أو أى حاجة

ياترى والدها وأخوها وعمها وخالها بتكرههم .

و الولد اللى بيكره صاحبة علشان كدب علية

أو مايستاهلش إنة يكون صاحبة لأى سبب من الأسباب

ياترى مالوش أصحاب تانية مايستاهلوش كدة

وسألت نفسى سؤال تانى أهم من الأول

ياترى أنا كويس ولا وحش ؟؟؟

لو الإجابة كويس يبقى الموضوع خلص

زى مانا كويس أكيد فى ناس كتير كويسة مش أنا لوحدى اللى كويس يعنى

لو الإجابة مش كويس بردة الموضوع خلص ...

حد هيقولى إزاى ؟؟؟

أقولك أنا إزاى

ساعات بنعمل حاجة غلط الطبيعى أو المفروض إن إحنا لما نعمل كدة

نشوف نفسنا مش كويسين أو مش نبقى راضيين عن نفسنا

بس مش مهم إننا نغلط المهم إننا نتعلم من غلطنا

وأخيرا كتبت هذة الكلمات

الحياة زى مانا شايفها

واسعة جدا بس ديقة أوى

كبيرة جدا بس صغيرة أوى

وحشة أوى بس حلوة للى يفهمها

الحياة

أشكال وألوان

أبيض وإسود وبمبى كمان

غنى وفقير وطيب وغلبان